Yaadon Ka Ik Jhonka Aya Hum Se Milne Barson Baad
Pehlay Itna Roye Nahi They Jitna Roye Barson Baad
Lamha Lamha Ghar Ujra Hai To Hum Ko Ehsaas Hua
Pathar Aye Barson Pehlay Sheshay Tootay Barson Baad
...
Aaj Humari Khak Pe Dunya Ronay Dhonay Baithi Hai
Phool Huey Hain Itnay Sastay Janay Kitnay Barson Baad
Dastak Ki Umeed Lagaye “MOHSIN” Kab Tak Jeetay Hum?
Kal Ka Wada Karnay Walay Milnay Aye Barson Baad
No comments:
Post a Comment